الرئيس السيسي: اهتمام الدولة بالطرق والشبكات من أجل وضع أسس حقيقية للتنمية

وجه الرئيس عبد الفتاح السيسي، بسرعة الانتهاء من جميع الخدمات المقدمة لمنطقة الرويسات في جنوب سيناء، قائلا: "مش بس الطرق شوفوا الصرف الصحي ومياه الشرب وباقي الخدمات دي القرية كلها 5 آلاف، وده من حساب الطرق، ميفوتكش .. أى شركة منسبش حاجة حتى لو خارج التخطيط بس إدوني خبر".

وحول اهتمام الدولة بشبكة الطرق، قال الرئيس خلال افتتاح عدد من المشروعات التنموية: "شبكة الطرق مهتمين بيها كدولة سواء سيناء أو باقى الجمهورية وحجم الطرق اللي اتعمل 7 آلاف كيلو تجاوزنا هذا الرقم بكتير قوي وأرجو إعلان هذا الرقم بالتنسيق مع وزارة النقل وهيئة المجتمعات وما يحدث في سيناء فقط اللى بيتعمل للناس اللى بيتحركوا في سيناء هيبقى ليه تأثير كبير قوي والربط بين شرق وغرب القناة بالطرق دي .. احنا بنتكلم عن حجم الطرق في خلال سنتين نكون خلصنا المخطط كله والشبكة اللى بتكلم عليها في سيناء سواء تنمية عمرانية أو سياحية أو زراعية".

وكشف الرئيس السيسي عن محطة بحر البقر خلال الأيام المقبلة، معلقا: "اللي هتضيف 5.6 مليون متر مياه يوميا معالجة ثلاثية متطورة اللى اتكلمنا عنها قبل كده"..حجم كبير جدا من الزراعة يصل إلى 500 ألف فدان وبقول للقوات المسلحة أثناء عمل الشركات أمنوهم علشان الأشرار، وعلشان بنضيف نصف مليون فدان بنظم متطورة وما يستتبعه تواجد سكاني وفرص عمل علشان الأشرار يعرفوا إننا هنأمن ده بشكل قوي".

وتابع الرئيس: "شوفوا حجم المحاور اللي اتعملت من الدلتا والقاهرة إلى سيناء وربطت بشكل قوي وعميق بين شرق وغرب القناة.. يمكن الناس تتصور إننا مبالغين في الطرق والكباري ولكن لازم يكون فيه حرية لحركة البضايع والناس والأشغال وكل شيء سهل على امتداد الرقعة المعمورة في مصر..على آخر السنة هنفتتح منطقة الفرافرة وتوشكى وشرق العوينات 1070 كيلو آخر العام الجاري".

وشدد الرئيس على أن اهتمام الدولة بالطرق والشبكات من أجل وضع أسس حقيقية للتنمية على امتداد أرض مصر، و"أن حجم العمل اللي بيتم ضخم وبشكل غير مسبوق واللي خلص ضخم، واللي فاضل مش كتير قوي ويبقا قدرنا نعمل شبكة طرق غير اللي كان موجود قبل كده غير اللي بنرفع كفاءته".