عمرو أديب: سر فوز الأهلي على سموحة هو المصباح السحري

علق الإعلامي عمرو أديب، على الفوز الصعب الذي حققه الأهلي أمام سموحة في بطولة الدوري بهدفين لهدف.

وأضاف خلال مداخلة برنامجه «الحكاية» عبر شاشة «mbc مصر»، مساء السبت: «الأهلي لديه حظ الجن بتاع ألف ليلة وليلة، بتاع علاء الدين والمصباح السحري.. الأهلي عنده المصباح السحري اللي بيشتغل في الدقيقة 95 و96 و97».

وتابع: «هل فيه فرقة في العالم بتلعب بس في الدقيقة 95.. هل فيه فرقة في العالم تنافس على الدوري وهي بتلعب بس الدقيقة 95.. كيف لهم كل الحظ.. منين يا حظ.. إديني يا حظ وإديني الدوري» -بحسب الزميلة أهل مصر-.

وأشار إلى أن لاعب الأهلي طاهر محمد طاهر الذي سجّل هدف الفوز لا يشارك عادة واعتاد فقط الظهور في الاحتفالات لكنه سجل اليوم هدفًا عالميًّا وغريبًا.

وختم: «مبروك.. هنعمل إيه.. اتعلمنا إن من جد وجد لكن كفاية بقى شغل الحظ ده.. عاوزين شوية عدالة تنزل على الأرض.. الزمالك لازم ياخد الدوري سواء بالأمر أو بالحظ».