كيف تصل زوجتك للنشوة الجنسية؟ دراسة طبية تكشف السر
كيف يحدث القذف عند الأنثى؟ تشريح الجهاز التناسلي الأنثوي الخارجي في البداية يا صديقي هنعرف تشريح بسيط للجهاز التناسلي للأنثى من الخارج:
1. الليب ماجورا أو الشفرات الكبيرة: ودي عبارة عن جلد سميك بيحيط بالمهبل.
2. الليبيا مينورا أو الشفرات الصغرى: ودي بتكون رقيقة ومليانة بالشعيرات الدموية وبتحتوي على أعصاب حسية.
3. الكليتوريس: عضو صغير في الحجم بيكون موجود أعلى الشفرات الصغيرة وبيبقى مليان بالأعصاب الحسية وعلشان كده بيكون حساس جدًا.
وفي المنتصف بقى بيكون عندنا فتحتين وهما: فتحة البول وفتحة المهبل.
الغدد المهمة في منطقة المهبل
في منطقة المهبل بيكون موجود غدتين مهمين جدًا:
· الغدة الأولى: بارثولين جلاند
ودي تم تسميتها على اسم العالم اللي اكتشفها، والغدة دي بتظهر لينا على شكل فتحتين صغيرين على جوانب فتحة المهبل. وعلشان تعرف حجم الفتحة دي قد إيه فهي تقريبًا في حجم فتحة سن السرنجة ومن الداخل بتكون 1 سم يعني في حجم حبة البازيلاء أو الترمس.
مهمتها إنها تفرز سائل شبه الزيت أثناء العلاقة الجنسية اللي بتحصل ما بين الرجل وزوجته، وده علشان تسهل عملية الجماع وما يحصلش ألم أو نزيف للأنثى. والسائل ده بيتفرز أثناء أي مداعبة أو إثارة للأنثى مش شرط فقط علاقة جنسية كاملة.
· الغدة الثانية: سكين جلاند
الغدة دي ليها وظيفتين؛ الأولى إنها بتفرز سائل حوالين فتحة البول وده عشان ترطب فتحة البول وتمنع دخول أي بكتيريا للمثانة. بالإضافة إن هي دي الغدة اللي بيحصل منها القذف عند المرأة أثناء العلاقة الحميمية ما بين الراجل وزوجته.
كيفية حدوث القذف عند الأنثى
المرأة بتوصل للذروة الجنسية بتاعتها، فأول ما بتوصل للدرجة دي من الإثارة بيحصل انقباض قوي لغدة السكين من الداخل. والانقباض ده بيكون شبه التشنجات العضلية، والتشنجات دي بتعصر الغدة وبتخليها تخرج كمية سائل كبيرة ودُفعة واحدة.
لدرجة إن بعض النساء بتظن إنه بيخرج منها بول أثناء العلاقة، والسائل ده بيكون شبه اللبن المخفف. وبعد نزوله بيحصل شبع واستكفاء عند الأنثى من العلاقة الجنسية شبه الإحساس اللي بيكون عند الرجل بعد نزول السائل المنوي.
غدة السكين وعلاقتها بالبروستاتا الأنثوية
غدة السكين دي بنسميها البروستاتا الأنثوية، وده لأن في بداية تكوين الجنين داخل رحم الأم ما بيكونش معروف هو ذكر أو أنثى، لأن في الفترة دي الجنين بيحتوي على أنسجة تناسلية عندها القدرة على التحول لأعضاء ذكورية أو أعضاء أنثوية.
واكتشفوا إن الأنسجة اللي بتتكون منها البروستاتا عند الرجل هي نفس الأنسجة اللي بتتكون منها غدة السكين عند الأنثى، وعلشان كده بيسموها البروستاتا الأنثوية.
