يوليو 21 2024 الأحد
محرّم 15 1446 هـ 03:15 صـ

قصة إنسانية حزينة.. احذري من الطلاق هذه الأيام ومطلقة تنصح: «لا تنخدعي في أسرتك»

مطلقات تعبيرية
مطلقات تعبيرية

تعاني ملايين الفتيات المطلقات من أزمات عائلية بعد الطلاق، وخاصة حال تشجيع أسرتها على الطلاق ثم ينتهي بها المطاف وهي في اشد الاحتياج للحنان الأسري والعاطفي والمادي، الذي سرعان ما يتبخر بعد طلاقها وعودة نفقتها على أهلها من أب وأخ، وهو ما يستدعي التروي والتمهل قبل الإقدام على طلب الطلاق وهدم الأسرة.

معاناة المطلقات، مشاكل الطلاق، احذري من الطلاق، كلمات تعد من الأكثر بحثًا على محرك البحث العالمي جوجل، وعليه عزيزتي المطلقة والباحثة عن الطلاق إليك بعض حقائق سترينها بعد الطلاق لن يخبرك بها أحد ننبهك إليها في السطور التالية وبالعامة المصرية لسهولة وصول المعلومة، وفق نصيحة امرأة مطلقة قالت باختصار: لا تنخدعي في أسرتك الجميع سيبيعك بعد الطلاق.

خلال فترة التجهيز للطلاق

هتسمعي الكلام ده من أمك وصاحباتك واخواتك البنات:

===========================

☻بيت أبوكي مفتوح

☻هنجوزك سيد سيده

☻كده كده العيال بتتربى

☻هنجيبلك حقك من عينيه

☻ده مش عارف قيمتك .....الخ

كلام هتسمعيه من أمك في الأسابيع الأولى بعد الطلاق:

=================================

☻المحامي قالك إيه على فلوس النفقة ؟

☻هتفضلي سهرانة كده طول الليل على النت و عيالك سهرانين ؟

☻متشوفيلك اي شغلانة تتسلي فيها بدل قعدتك دي

كلام هتسمعيه من أمك بعد كام شهر من الطلاق و المحاكم:

============================

☻المحامي قالك إيه على فلوس النفقة و المؤخر؟

☻فاضل معاكي فلوس قد إيه من اللي سلفتهوملك ؟

☻مقدرش أطلب من أبوكي فلوس تاني وبعدين إنتي و عيالك مصاريفكم كتير على الفاضي وعيالك متأنزحين ومدلعين في أكلهم و شربهم .

☻هتفضلي كده سهرانة طول الليل و نايمة طول النهار وأنا حيلي مهدود في الشقة اللي عيالك موسخينها ؟

☻كلمتي المحامي؟ كلمتي المحامي؟ روحتي للمحامي؟

☻بيقولوا الدهب سعره غلي قوي يعني الواحد لو بعتي شبكتك هتكسبي جامد إيه رايك ننزل نسأل في الصاغة ؟

☻فيه واحدة صاحبتي جايبالك شغلانة خدمة عملاء ممكن تشتغليها من البيت أهي تساعد في المصاريف لحد ما تصرفي مبلغ متجمد النفقة

كلام أمك بعد ما صرفتي متجمد النفقة والمؤخر والمتعة و و و ...:

================================

☻أخوكي محتاج قرشين يكمل بيهم على تمن الفرح بتاعه و هيبقى يسددهملك قريب.

☻كنا عاوزين نطلع المصيف السنة دي و أبوكي ممعهوش فلوس متعزمينا و فرصة العيال تغير جو .

☻عازمين خطيب أختك هو و أهله الاسبوع الجاي و الفلوس اللي معايا متكملش .. شوفيلي معاكي 1000 جنيه لحد ما أبوكي يقبض المعاش.

☻عيالك كسروا الانتريه و انا أساسا مصلباه بالعافية علشان مش قادرة اغيره انتي عارفة علاج ابوكي واخد كل المعاش .

☻خطيب أختك زعلان معاها بسبب كلامك اللي قلتيه آخر مرة عن الجواز و الرجالة و أختك بتقول انك هتخربي عليها و بتعيط .

☻ابوكي حالف ميكلمكيش لما رديتي عليه و قلتيله محدش يزعق لولادي أو يضربهم

و بنتك المفعوصة بتقوللي إنتي ليه مبتحبيش بابا يا تيتة هو كان عملك حاجة !!

☻كلمي المحامي خليه يرفع قضية زيادة نفقة

☻كلمي المحامي .. كلمي المحامي .. كلمي المحامي

☻جايلك عريس مطلق عنده 55 سنة و عياله عايشين مع أمهم

☻جايلك عريس أرمل و معاه ولدين

☻جايلك عريس بس ممعهوش يجهز بس عنده شقة اوضتين و امه هتعيش معاه .

☻كلمتي المحامي؟

☻شوفتي الشغل اللي جبتهولك؟

☻طليقك إتجوز و خلف و عايش حياته

☻كلمي المحامي

☻أنا تعبت منك و من عيالك و صحتي مش مستحملة

☻كل الناس جوزت بناتها وارتاحت وانا اللي بختي مايل

☻حسبي الله و نعم الوكيل .. حسبي الله و نعم الوكيل

☻ انا دايما بختي قليل طول عمري كده..

وتعاني ملايين الفتيات المطلقات من أزمات عائلية بعد الطلاق، وخاصة حال تشجيع أسرتها على الطلاق ثم ينتهي بها المطاف وهي في اشد الاحتياج للحنان الأسري والعاطفي والمادي، الذي سرعان ما يتبخر بعد طلاقها وعودة نفقتها على أهلها من أب وأخ، وهو ما يستدعي التروي والتمهل قبل الإقدام على طلب الطلاق وهدم الأسرة.

أسعار العملات

متوسط أسعار السوق بالجنيه المصرى18 يوليو 2024

العملة شراء بيع
دولار أمريكى 48.2006 48.3006
يورو 52.6832 52.8118
جنيه إسترلينى 62.5836 62.7328
فرنك سويسرى 54.5440 54.6634
100 ين يابانى 30.8188 30.8847
ريال سعودى 12.8504 12.8777
دينار كويتى 157.7554 158.1344
درهم اماراتى 13.1226 13.1509
اليوان الصينى 6.6393 6.6546

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار الأسعار بالجنيه المصري
عيار 24 بيع 3,709 شراء 3,731
عيار 22 بيع 3,400 شراء 3,420
عيار 21 بيع 3,245 شراء 3,265
عيار 18 بيع 2,781 شراء 2,799
الاونصة بيع 115,337 شراء 116,047
الجنيه الذهب بيع 25,960 شراء 26,120
الكيلو بيع 3,708,571 شراء 3,731,429
سعر الذهب بمحلات الصاغة تختلف بين منطقة وأخرى